سياسة الخصوصية
آخر تحديث: 12 نوفمبر 2026
وَصْل بقى اسمه بَدالَك. لو كنت بتستخدمه قبل كده، بياناتك على الموبايل محتاج تكتبها تاني مرة واحدة.
الخلاصة
- مفيش حساب ولا تسجيل دخول.
- بياناتك على موبايلك بس. الاسم والحساسية والعنوان وأرقام الطوارئ مش بتتخزن عندنا. والبلد اللي بتختاره لأرقام الطوارئ (أو اللي بدالك بيخمّنه من توقيت الموبايل) بيفضل على الموبايل.
- المحادثات مش بتتسجل. سيرفراتنا متضبطة إنها ما تحفظش أي بيانات تشغيل.
- مفيش إعلانات ولا بيع بيانات.
- تقدر تمسح كل حاجة بزرار «امسح كل بياناتي» في شاشة «بياناتي».
اللي بيخرج من الموبايل وقت الاستخدام بس
| الميزة | اللي بيتبعت | بيروح فين |
|---|---|---|
| اتكلم بدالي | طلبك، كلام المهمة الحالية، والاسم والعنوان والتأمين والحساسية والملاحظات بس، وملخص آخر 5 مهام لو «بدالك يفتكر مهامك» شغال (تقدر تقفله من بياناتي) | سيرفر بدالك (n8n)، ثم Claude من Anthropic |
| الترجمة والردود | الجملة اللي اتقالت | سيرفر بدالك، ثم Claude |
| «ظبّطها» في الترجمة | الملاحظة اللي إنت كتبتها، وآخر 4 جمل قالها اللي قدامك، واللهجة، وإنت راجل ولا ست، و«كلماتي» لو كتبت كلمات. بيتبعت بس لما تدوس «ظبّطها»، والجملة بتظهرلك تعدّلها قبل ما تتقال. مش بتتحسب مهمة | سيرفر بدالك، ثم Claude |
| «كلماتي» | الكلمات اللي إنت كتبتها في «كلماتي» (أسماء ناس وأماكن، والدوا اللي بتاخده) بتتبعت مع طلبات «اتكلم بدالي» والردود الذكية و«ظبّطها»، عشان الذكاء الاصطناعي يكتبها صح. وبتتدّي لخدمة الكلام في متصفحك كتلميح، لو المتصفح بيقبل كده | سيرفر بدالك، ثم Claude |
| الكلام بالإشارة | الجملة اللي الشخص السامع قالها، عشان تتحول لأرقام إشارات من مكتبة بدالك (زي الكتابة بالظبط). فيديوهات الإشارة نفسها بتتحمّل من موقع بدالك وبتتحفظ على موبايلك، ومفيش حاجة عنك بتتبعت معاها | سيرفر بدالك، ثم Claude |
| قراءة الصورة | الصورة بعد تصغيرها | سيرفر بدالك، ثم Claude |
| اطلب دوا للبيت | اسم الصيدلية، وطلبك، والعنوان، ورسايل المحادثة مع الصيدلية اللي إنت بتلصقها أو بتشاركها لبدالك. الرسايل نفسها بتتبعت من واتساب بتاعك، وإنت اللي بتدوس إرسال | سيرفر بدالك، ثم Claude |
| الرسايل الصوتية | الرسالة الصوتية اللي إنت بتشاركها لبدالك، عشان تتحول لكلام مكتوب | سيرفر بدالك، ثم ElevenLabs |
| الصوت | الجملة اللي هتتقال | ElevenLabs، واحتياطياً Microsoft Azure |
| فهم الكلام المسموع | صوت اللي قدامك | خدمة الكلام في متصفحك (Google أو Apple). ولو متصفح الموبايل مش بيحوّل الكلام لكتابة: صوت اللي بيتقال بيتبعت عن طريق سيرفر بدالك لـ ElevenLabs (تحويل الكلام لكتابة)، ومش بيتحفظ |
| مكالمة (تجريبي) | الرقم اللي إنت كتبته، وطلبك، والاسم والحساسية والتأمين والعنوان والملاحظات لو كتبتهم، وردودك واختياراتك وقت المكالمة. المساعد الصوتي بياخد منهم اسمك وهدف المكالمة بس (مش الحساسية ولا العنوان)، وأي بيانات تانية بيسألك عليها الأول | سيرفر بدالك، ثم شركة الاتصالات (Telnyx) ومساعدها الصوتي بالذكاء الاصطناعي: بيوصّل المكالمة، وبيقول كلام بدالك بصوت، وبيكتب كلام الطرف التاني |
| «كلمة اتنطقت غلط؟» | الكلمة اللي إنت اخترتها، والجملة اللي بدالك قالها، واللهجة. بيتبعت بس لما تدوس «ابعت» | سيرفر بدالك، في جدول عند فريق بدالك عشان نصلّح النطق |
المكالمات (تجريبي)
المكالمات لسه تجريبية ومش مفتوحة للناس. التشغيل الكامل هيبقى بالشراكة مع شركة اتصالات.
الكلام بيعدّي على شركة الاتصالات ومساعد صوتي بالذكاء الاصطناعي عشان يتقال ويتكتب، وبيتمسح من عندنا ومن عندهم أول ما المكالمة تخلص (وعندنا بعد 30 دقيقة بالكتير لو المكالمة اتقطعت). المساعد بياخد اسمك وهدف المكالمة بس، وأي بيانات تانية (زي العنوان) بيسألك عليها الأول.
المكالمة مش بتتسجّل، ولا صوت بيتحفظ. أول جملة في كل مكالمة بتقول للطرف التاني إن اللي بيكلمه مساعد صوتي بالذكاء الاصطناعي بيتكلم بالنيابة عن شخص أصم. بعد المكالمة السيرفر بيحتفظ بس بحالة المكالمة ومدتها ووقتها والرقم العشوائي للموبايل، عشان نعد المكالمات. وفي الآخر بيظهرلك ملخص بآخر كلام المكالمة، على موبايلك بس (ومتحفظ في «مهامي» على موبايلك، ومش بيتبعت لأي حد). كل مكالمة بتتحسب مهمة واحدة. لحد ما خدمة المكالمات تشتغل، الشاشة بتقول «تجريبي (محاكاة)» ومفيش مكالمة حقيقية بتتعمل.
بدالك على الكاونتر (الكود في الفرع)
- إزاي بيشتغل: موبايلك بيعرض كود، والموظف بيعمل له سكان بموبايله، وتتكلموا كتابة. الموظف ممكن يتكلم بصوته، وموبايله هو اللي بيحوّل كلامه لكتابة.
- موبايل الفرع: بعض الفروع عندها موبايل ثابت (ستيكر الموظف) بيفضل مستني، وأول ما تعمل سكان بيرن ويفتح المحادثة لوحده.
- كروت الطلب بالصور: في أول المحادثة بتختار طلبك بصورة (زي «فاتورة كهربا» أو «معايا روشتة»)، والموظف بيشوفه كأول رسالة.
- الرسايل: بتعدّي على سيرفر بدالك عشان توصل من موبايل للتاني، وبتتمسح لما المحادثة تخلص، أو بعد ساعة بالكتير لو المحادثة اتسابت مفتوحة. مفيش اسم ولا رقم تليفون بيتبعت.
- أول مرة بس على كل موبايل، بنوريك الكلام ده، والكود مش بيتفتح غير لما تدوس «موافق».
- «الموظف معندوش موبايل؟»: لما تتكلموا على موبايلك إنت، كلام المحادثة مش بيتبعت للسيرفر خالص.
- ملخص المصلحة: في الآخر بيظهرلك كارت فيه طلبك والأرقام اللي الموظف قالها (زي السعر). بيتعمل على موبايلك وبيتحفظ في «مهامي» على موبايلك بس، ومش بيتبعت لأي حد.
- آخر المحادثة: بنسألك «مصلحتك خلصت؟». ولكل زيارة السيرفر بيحفظ أرقام بس: المكان، واليوم، والموظف دخل ولا لأ، وعدد الرسايل، ومدة المحادثة بالدقايق، و«أيوه» أو «لأ». من غير أي كلام من المحادثة، ومن غير اسم ولا رقم تليفون. ده عشان نعرف المكان بيخدم الصم كويس ولا لأ، والمكان بيشوف أرقام إجمالية بس.
عدد المهام في الشهر
كل موبايل ليه 30 مهمة مجانية في الشهر («اتكلم بدالي» و«اطلب دوا للبيت» والترجمة)، وبتتجدد أول كل شهر. كل مرة تفتح فيها الترجمة بتتحسب مهمة واحدة مهما طالت، ولو المهام خلصت الكلام بيفضل يتكتب من غير ردود ذكية. الطوارئ مش بتتحسب. عشان نعد المهام، سيرفر بدالك بيحفظ رقم عشوائي للموبايل (مش رقم تليفونك ولا اسمك)، والشهر، وعدد المهام، من غير أي حاجة من كلام المهمة.
لو فعّلت كود شركة أو جمعية من «بياناتي»، السيرفر بيحفظ إن الرقم العشوائي ده تبع الكود ده، عشان الجهة تعرف عدد الموبايلات وعدد المهام. الجهة مش بتشوف أي كلام أو بيانات شخصية.
التسجيل في التجربة
لو سجّلت في تجربة بَدالَك من صفحة التسجيل، اسمك ورقم الواتساب والمحافظة وإجاباتك بتتحفظ في جدول عند فريق بَدالَك، عشان نكلمك ونتابع التجربة بس. مش بنشاركها مع حد، وتقدر تطلب مسحها في أي وقت برسالة على واتساب لفريق التجربة.
لغة الإشارة (الكاميرا)
- الكاميرا بتشتغل على الموبايل بس. لما تدوس «إشارة»، برنامج على الموبايل نفسه بيشوف مكان إيدك وكتافك، وبيحوّلهم لأرقام. مفيش فيديو ولا صورة بيتبعتوا لأي حد، ولا بيتسجّلوا.
- الإشارات اللي بتعلّمها لبدالك («علّم بدالك إشارة جديدة») بتتحفظ على الموبايل ده بس، في المتصفح، كأرقام بتوصف حركة الإيد (مش فيديو)، ومعاها المعنى اللي إنت كتبته.
- اللي بيطلع: لما تدوس «قوله» في «اتكلم بدالي»، الكلمات اللي اخترتها (زي «صيدلية، فين») بتتبعت لسيرفر بدالك ثم Claude عشان تتعمل جملة، زي ما بيحصل لما بتكتب. وفي الترجمة، الكلمات بتتبعت لخدمة الصوت عشان تتقال.
- أول مرة بتفتح الكاميرا، الموبايل بينزّل برنامج الإشارات (من Google وjsDelivr) وإشارات مكتبة بَدالَك، وبيحتفظ بيهم عشان يشتغلوا بعد كده من غير نت.
وتقدر تمسحها كمان من شاشة «إشارة» ← «علّم بدالك إشارة جديدة» ← «امسح كل إشاراتي»، أو مع كل بياناتك بزرار «امسح كل بياناتي».
اللي ما بيخرجش أبداً
- تنبيهات الأصوات: المايك بيتحلل على الموبايل نفسه.
- لغة الإشارة: الكاميرا بتتحلل على الموبايل نفسه، ومفيش فيديو ولا صورة بيطلعوا منه.
- مكانك: بيتحط في رسالة طوارئ إنت اللي بتبعتها من موبايلك.
- أرقام الطوارئ وفصيلة الدم والأمراض المزمنة: مش بتتبعت مع أي مهمة.
- تذكير الدوا: محفوظ على الموبايل بس. وزرار «ضيفه لتقويم الموبايل» بيعمل ملف تقويم إنت اللي بتفتحه.
- اختيارك لـ«وضع الصور» ولغة التطبيق و«حجم الكلام» و«تباين عالي» و«تنبيه الكلام»: محفوظ على الموبايل بس. «تنبيه الكلام» بيشتغل على الموبايل نفسه (اهتزاز ونور على جنب الشاشة).
- «جملي» و«كلماتي»: محفوظين على الموبايل ده بس، وبيتمسحوا مع «امسح كل بياناتي». «جملي» بتتقال بالصوت أو بتتبعت كأنك كتبتها لما تدوس عليها بس.
- تقييماتك للمهام (👍/👎): محفوظة على الموبايل، وما بتطلعش منه إلا لو إنت دوست «شارك التقييمات»، وساعتها بتطلع بالتاريخ والتقييم بس.
الأذونات
المايك والكاميرا والمكان والاهتزاز بتتطلب وقت ما تستخدم الميزة بس، وتقدر تلغيها من إعدادات المتصفح.
نلتزم بمبادئ قانون حماية البيانات الشخصية المصري رقم 151 لسنة 2020. اللي أقل من 18 سنة يستخدم التطبيق بموافقة ولي أمره.
صفحة تصوير الإشارات (لفريق التصوير)
صفحة «تصوير الإشارات» (record.html) بيستخدمها خبرا لغة الإشارة وفريق بَدالَك عشان يصوّروا مكتبة الإشارات. الكاميرا بتشتغل على الموبايل نفسه، والفيديوهات بتتحفظ جوه المتصفح على الموبايل ده بس، ومش بتترفع على أي سيرفر. الفيديوهات بتخرج من الموبايل بس لما اللي بيصوّر يدوس «حمّل» أو «شارك» ويبعت الملف بنفسه لفريق بَدالَك.
قبل التصوير، كل شخص هيظهر في الفيديوهات بيكتب اسمه ويختار هيوافق على استخدامها في إيه: التطبيق، تعليم الموبايل يفهم الإشارات، المسابقات والعروض، السوشيال ميديا. الموافقة دي بتتحفظ على الموبايل وبتطلع مع الفيديوهات في ملف consent.json. ما بنستخدمش أي فيديو في حاجة الشخص ما وافقش عليها، وتقدر ترجع في موافقتك في أي وقت برسالة لفريق بَدالَك، وهنشيل فيديوهاتك من التطبيق في التحديث اللي بعده.
فيديوهات الإشارات اللي بتظهر في التطبيق بتتحمّل من موقع بَدالَك زي أي صورة، ومش بتعرف أي حاجة عنك.
Privacy in English
Last updated: 12 November 2026
Wasl is now called Badalak. If you used it before, you need to enter the data on your phone again, once (the new address cannot see the old one's data).
No account. Profile and emergency data stay in the browser on your phone. Conversations are not recorded, and our server stores no execution data. While a feature is in use, only what it needs is sent: task dialogue, basic profile fields and, if "remember my tasks" is on, short summaries of the last 5 tasks to Anthropic Claude via our n8n server; text to be spoken to ElevenLabs (Microsoft Azure as fallback); speech audio to your browser's speech service (on phones whose browser can't do speech recognition, the audio of what is said goes through Badalak's server to ElevenLabs speech-to-text instead, and is not stored); for pharmacy orders, the order details and the pharmacy messages you paste or share go to Claude, and voice notes you share go to ElevenLabs speech-to-text. Messages to the pharmacy are sent from your own WhatsApp by you. If you sign up for the pilot, your name, WhatsApp number, governorate and answers are kept by the Badalak team in a sheet used only to run the pilot; ask us on WhatsApp to delete them anytime. To count the 30 free tasks per month ("Speak for me", pharmacy orders, and each time you open translation, however long it lasts; when tasks run out translation keeps showing the words without smart replies; SOS is never counted), our server keeps a random phone ID, the month and the task count, with nothing from the conversation. If you enter a company or association code, the server records that this random ID belongs to that code; the organisation sees counts only. Calls ("Call" in Badalak, still a trial, not open to the public; full service will come with a telecom partner): the call is not recorded and no audio is stored. The first sentence of every call tells the other person that an AI voice assistant is speaking on behalf of a Deaf person. The number you enter, your request, the profile fields above and your replies go to our server. The words pass through the telecom company (Telnyx) and its AI voice assistant so they can be spoken and written down, and they are deleted from our server and theirs as soon as the call ends (on our side at most 30 minutes later if the call drops). The assistant gets only your name and the goal of the call (not your allergies or address); it asks you before using anything else. After that we keep only the call's status, duration, time and the random phone ID, to count calls. At the end you see a summary with the last words of the call, on your phone only (also saved in "My tasks" on this phone, never sent anywhere). Each call counts as one task. Until the call service is switched on, the screen says "Simulation" and no real call is made. The "word said wrong?" button sends only the word you pick, Badalak's sentence and the dialect, and only when you press Send. Sign view ("Sign" switch above the other person's words): what the hearing person says is turned into sign IDs from Badalak's sign library by the same AI service as the captions (our server, then Claude); the sign videos come from Badalak's own site and are saved on your phone, and nothing about you is sent with them. «Polish» in translation (✨): only when you tap it, the note you typed, the last 4 sentences the other person said, the dialect, your gender and your «My words» go to our server and then Claude; the sentence comes back for you to check and edit before it is spoken, and it is not counted as a task. «My words» (names, places, the medicine you take) are stored on this phone only; they are sent with «Speak for me», smart replies and «Polish» requests so the AI spells them right, and given to your browser's speech service as hints where it supports that. «My sentences» are stored on this phone only and are spoken or sent only when you tap one. Text size, high contrast and the speech alert (vibration and a light on the screen edge, worked out on the phone) are saved on the phone. Sound alerts, sign recognition, location and emergency contacts never leave the phone.
Badalak at the counter (QR at a branch). Your phone shows a code; the staff scans it and you talk in text (the staff can speak, and their own phone turns speech into text). Some branches have a fixed branch phone (staff sticker) that waits and opens the conversation by itself when you scan; you pick your request from picture cards, and the staff sees it as the first message. Messages pass through the Badalak server only to reach the other phone, and are deleted when the conversation ends, or after one hour at most if it is left open; no name or phone number is sent. The first time on each phone, Badalak shows this and opens the code only after you tap OK. At the end, an errand summary (your request and the numbers the staff said, like the price) is built on your phone and saved in "My tasks" on this phone only; it is never sent anywhere. In "talk on my phone" mode, nothing of the conversation goes to the server. At the end we ask "Did you get it done?". For each visit the server keeps numbers only: the place, the day, whether the staff joined, how many messages, how long the conversation took in minutes, and the yes/no; no conversation text, no name or phone number. Places see totals only.
Sign language (camera). When you tap «Sign», a program on the phone itself finds your hands and shoulders and turns them into numbers. No video or picture is sent to anyone or recorded. Signs you teach Badalak are stored only on this phone, in the browser, as numbers describing the hand movement (not video) with the meaning you typed. When you tap «Say it» in a task, only the chosen words (for example "pharmacy, where") go to Badalak's server and then Claude to make a sentence, as with typing; in translation, the words go to the voice service to be spoken. The first time, the phone downloads the sign program (from Google and jsDelivr) and Badalak's sign library and keeps them for offline use.
Your picture mode and app language choices, and the country used for emergency numbers (your pick, or a guess from the phone's time zone), stay on the phone. No ads or tracking. Delete everything anytime from "My info". Sign-recording page (record.html, used by sign-language experts and the Badalak team to film the sign library): the camera runs on the phone and the videos are stored in the browser on that phone only; nothing is uploaded to any server. Videos leave the phone only when the person filming presses Download or Share and sends the file to the Badalak team themselves. Before filming, each person who appears types their name and chooses what the videos may be used for (the app, training sign recognition, competitions and presentations, social media); this consent is stored on the phone and exported with the videos as consent.json. Videos are never used for anything the person did not agree to, and consent can be withdrawn at any time by messaging the Badalak team; the videos are then removed from the app in the next update. We follow Egypt's Personal Data Protection Law No. 151 of 2020.